تقشاب سياسي ...رؤوس اللوائح( رؤساء اللوائح ) ومصيبتهم غير الله ايحد لباس
الناس واحلة باش تكمل اللوائح ديالها باش تدخل انتخابات الجماعات الترابية، دابا راه مابقا والو، ويبداو رؤساء لوائح يوضعو الترشيحات تقريبا من هنا سيمانة، مما جعل العديد منهم اصبحوا غير تيقلبوا على باش ماكان يعمرو لوائحهم، حيث خص كل لائحة توصل لي 33 مرشح ببرشيد كنموذج .عاد زيد من فوق هاذ الشي خاصهم 6 ديال لعيالات يترشحوا في الائحة الاضافية، مما زاد الأمر تعقيدا وافكها يامن وحلتيها.
في ظل هذه الأزمة في استقطاب الأطر المكونة والمتمرسة على العمل السياسي وممارسة تدبير الشأن المحلي، يظهر بأنه أصبح الصراع ينحصر على محاولات سرقة بعض العناصر المقترح ترشيحها في بعض اللوائح من أخرى وضمها إلى أخرى، بلا حيا بلا حشمة، ليومة تلقى واحد مرتب رقم 6 في لائحة فلان، وغدا تاكتسمع راه مرتب رقم 2 في لائحة فرتلان . بحال شغل فيران السويرتي .
أما مشكلة اللائحة الاضافية للنساء المخصص لها 6 مقاعد راه مصيبة، ولى رأس اللائحة ملي تايلقى راسو ماعندو تامرة مسيسة، تايولي ايعمر تاهو باش ماكان، راه كاين ليغادي نلقاوه خاشي بنتو أو مرتو أو عمتو أو ختو، راه غير كاتجيه حشومة كوراه تلقاه خاشي لواليدة ديالو تاهيا.
هذه من سياسة الترقاع، آش داك شي لائحة اضافية راه دابا خص 60 امراة باش اللوائح تكمل عدادها هذا الا درنا بلي كاينة 17 لوائح أما ايلا كانت 20 لائحة واموصيبة، فين تلقى 120 امراة تاتمارس السياسة.
راه معروف المدينة ياله فيها شي 2 عيالات ليمعروفين عندهم مع السياسة والانتخابات أما الباقي غير سيدي عمر، واقع مر.
أميمتي
عن برشيد بريس
ليست هناك تعليقات: